آئي سانوڻ ٽيج ڙي
#شيخ_اياز
آئي سانوڻ_ ٽِيج ڙي.
گج سوين تارڙا، واجھ وجهي وڄُ ڙي!
ڇوريءَ نہ ڇِڄَ ڙي!
آئي سانوڻ_ ٽِيج ڙي.
هيکلڙو هينئڙو، اڀ ڪري گاج ڙي!
راڻو نہ راجِ ڙي!
آئي سانوڻ_ ٽِيج ڙي.
ڍٽ مٿي مِينهڙا، ڇٽ ڪئي ڇاٽ ڙي!
تو ريءَ اُساٽ ڙي.
آئي سانوڻ_ ٽِيج ڙي.
ڍول بنا ڍوڍڙو، ڪيئن لڳي بُک ڙي!
تو ريءَ نہ سک ڙي!
آئي سانوڻ_ ٽِيج ڙي.
ناٽ ڪري ننڊڙي، رت ڪري رات ڙي!
تو ريءَ نہ تات ڙي!
آئي سانوڻ ٽِيج_ ڙي.
ڀُڄ مٿان بادلو، ڀيڄ ڀنيءَ وسجو!
پائر بہ پسجو!
آئي سانوڻ ٽِيج_ ڙي.
Comments
Post a Comment